MyChart ofri pasyan yo yon aksè ki pèsonalize epi sekirize sou entènèt nan kad dosye medikal yo. Li pèmèt ou sèvi ak Entènèt an tout sekirite pou ede ou jere ak resevwa enfòmasyon sou sante ou. Ak MyChart, ou ka itilize Entènèt la pou:

Konsilte rapò sante ou yo apati dosye medikal elektwonik MyChart la.
Gade rezilta tès yo.
Mande renouvèlman preskripsyon yo.
Gen aksè ak resous enfòmasyon fyab sou sante w.
Kominike elektwonikman epi an tout sekirite ak ekip swen medikal ou a.
Pran randevou epi fè anrejistreman sou Entènèt anvan randevou w la

Èske gen yon frè pou itilize MyChart?

MyChart se yon sèvis gratis yo ofri pasyan nou yo.

Kijan pou mwen enskri?

Pasyan ki vle patisipe yo ap resevwa yon kòd aktivasyon MyChart pandan vizit klinik yo a. Kòd sa a pral pèmèt ou konekte epi kreye pwòp non itilizatè ou ak modpas ou. Si yo pa t ba ou yon kòd aktivasyon, ou ka rele klinik premye swen ou an pou w jwenn youn oswa mande enskri pandan pwochen vizit biwo w la.

Ou pa gen kòd aktivasyon? Ou ka klike tou la pou w enskri pandan w ap itilize yon sistèm verifikasyon ki fèt ak yon tyès-pati.

Èske ou ka voye yon nouvo kòd aktivasyon pou mwen paske mwen te pèdi li, kite li ekspire oswa mwen pa t resevwa l?

Klike la pou w fè yon demann pou yon kòd aktivasyon. Yon manm ekip nou an pral kontakte ou sou adrès imel ou a l ap ba ou enstriksyon pou konplete pwosesis enskripsyon an pou kont MyChart ou a.

Èske gen yon aplikasyon mobil pou MyChart?

Wi, itilizatè MyChart kounya yo ka telechaje aplikasyon mobil MyChart la ki disponib gratis. Gade rezilta egzamen yo, medikaman, vaksinasyon yo, randevou ki sot pase yo ak randevou k ap vini yo ak plis ankò. Aplikasyon mobil MyChart® la disponib kounye a sou Apple® App Store ak Android Market la.

Retounen nan tèt la

Apre mwen fin enskri

Mwen bliye modpas mwen an. Kisa mwen dwe fè?

Klike la epi reponn kèk kesyon pou w chanje modpas MyChart ou a. Si ou pa kapab reponn kesyon sa yo, soumèt yon demann pou chanje modpas la.

Kibò mwen ka fè mizajou enfòmasyon pèsonèl mwen yo (e.g., adrès kay mwen, e-mail oswa chanje modpas mwen)?

Pou chanje modpas ou, konekte sou MyChart epi ale nan: Paramèt >> Paramèt Sekirite.
Pou chanje adrès ou: pote prèv kote ou chanje adrès la nan biwo Medsen w lan epi yo ap mete li ajou.
Pou chanje modpas ou a, konekte sou MyChart epi ale nan: Paramèt >> Notifikasyon. Klike sou kreyon ki akote imel ou a pou modifye li oswa chanje li.

Kiyès pou mwen kontakte si mwen gen lòt kesyon oswa si mwen bezwen èd?

Pou kesyon teknik ki pa gen rapò ak swen medikal ou yo, ou ka kontakte ekip MyChart nou an la. Pou kesyon konsènan swen medikal ou yo, konekte sou MyChart epi ale nan: Mesajri >> Mesaj Biwo Doktè a. Chwazi nan lis kategori mesaj ki disponib yo, ranpli fòm nan, epi klike sou soumèt.

Retounen nan tèt la

Dosye medikal ou

Si kèk nan enfòmasyon sou sante mwen yo pa kòrèk nan MyChart, Kisa mwen ta dwe fè?

Enfòmasyon MyChart yo soti dirèkteman nan dosye medikal elektwonik ou an nan biwo doktè ou a. Mande doktè ou a pou l korije nenpòt enfòmasyon ki pa kòrèk nan pwochen vizit klinik ou a. Yo revize epi mete ajou enfòmasyon sou sante w yo nan dosye medikal elektwonik ou an apre chak vizit ou fè.

Si mwen voye yon mesaj bay doktè mwen an, kilè mwen ka jwenn yon repons?

Ou pral resevwa jeneralman yon repons nan 3 jou ouvrab. Tanpri sonje ou pa ta dwe itilize MyChart pou sitiyasyon ijans. Tanpri kontakte sant medikal ou a si sitiyasyon an mande atansyon imedya oswa rele 911 si se yon ijans.

Kouman pou mwen fè mizajou sou pwoblèm sante mwen yo, Alèji, oswa Medikaman?

Lè w ap revize Pwoblèm Sante ou yo, Medikaman oswa Alèji yo nan MyChart la, sèlman klike sou "+ Ajoute" epi mete l ajou jan sa dwe ye a. Ou ka mande tou pou yo retire nenpòt nan sa ki anwo yo. Lè w pase sou yon eleman, yon bouton wouj pou efase ap parèt nan kwen anba sou bò dwat la. Lè ou klike, yon bwat ap parèt pou mande w yon rezon pou ou ka efase. Medsen ou an pral revize enfòmasyon sa yo nan pwochen vizit ou a pou detèmine si yo ta dwe ajoute oswa retire li nan dosye medikal la.

Èske m ap kapab wè avi Medsen mwen an?

Wi, si doktè w la deside pataje avi vizit ou a, w ap kapab wè yo nan MyChart la. Dapre règleman NYC Health + Hospitals la, Avi Sikyatri ak Sante Konpòtmantal yo pa pataje sou MyChart.

Retounen nan tèt la

Medikaman yo

Poukisa tout medikaman mwen yo pa parèt nan dosye MyChart mwen an?

Lis medikaman ki nan MyChart la ap sèlman montre medikaman pou kounya yo. Medikaman yo te kanpe yo pa ladanl. Preskripsyon Medsen ki pa nan Lopital Health + NYC yo pa p parèt nan lis medikaman ou a tou sèlman si Medsen NYC Health + Hospitals ou a verifye yo nan Dosye Medikal NYC Health + Hospitals ou a. Ou ap sèlman gen abilite pou mande yon renouvèlman pou medikaman aktif yo, yon founisè klinik NYC Health + Hospitals preskri.

Ki enfòmasyon mwen ta dwe bay pou yon renouvèlman preskripsyon?

Demann renouvèlman disponib sèlman pou medikaman kounya yo ke yon founisè klinik NYC Health + Hospitals te preskri.

Konbyen tan sa ka pran si mwen mande yon renouvèlman preskripsyon sou MyChart?

Genyen anpil moun nan ekip sante w la ki santi yo konsène pa kategori demann sa yo. Yo mete yo an plas pou trete renouvèlman preskripsyon yo 48 èdtan aprè yo fin resevwa yo, pandan jou ouvrab biwo a. Si ou fè demann ou an pandan yon wikenn oswa jou ferye, n ap resevwa li nan jou ouvrab la.

Poukisa lyen renouvèlman demann pou kèk nan medikaman mwen yo pa la?

Medikaman yo te mansyone - men ki pa t preskri - pa yon founisè NYC Health +Hospitals, paka renouvle sou MyChart. Medikaman sa yo p ap afiche nan paj "renouvèlman preskripsyon" yo nan ka sa. Sa ka rive pa genyen renouvèlman sou preskripsyon ou an, nan yon ka kote li p ap disponib pou renouvèlman epi ou ta dwe rele biwo founisè ou an.

Retounen nan tèt la

Vizit Videyo MyChart

Kisa ki yon vizit videyo?

Yon vizit videyo se yon konvèsasyon ak Medsen w lan. Olye pou ou deplase pou ou al wè doktè w la, ou ka pran randevou a lakay ou, nan travay ou, oswa tout lòt espas ki konvenab pou sa. Pou ou konnen plis sou kijan pou ou asiste a videyo vizit MyChart ou a, klike la.

Retounen nan tèt la

Rezilta egzamen yo

Kòman pou mwen wè rezilta egzamen mwen yo?

Soti nan paj akèy la, pase a pye jwen sou fichye Sante a, fè l defile epi klike sou Rezilta egzamen yo. Klike sou rezilta egzamen ou vle gade a. Paj detay egzamen sa yo ap louvri pou egzamen sa.

Kilè mwen ka wè rezilta egzamen mwen yo nan MyChart?

Plizyè egzamen pibliye sou MyChart depi lè rezilta yo disponib lan, ak eksepsyon pou kèk egzamen ki sansib. Sa ki ka pran plizyè jou oswa semèn pou jwenn rezilta yo ak pou yo pibliye sou MyChart.

Mwen wè kèk rezilta egzamen men se pa tout rezilta tout doktè mwen yo. Poukisa?

Si ou pa wè rezilta sou MyChart pou yon egzamen an patikilye, tanpri rele biwo founisè ki te fè egzamen an epi mande li pou li pibliye rezilta enfòmasyon yo, oswa pran yon randevou pou diskite sou rezilta yo ak founisè ou an. Se pa tout rezilta yo ki disponib sou MyChart

Poukisa kèk nan rezilta egzamen yo pa pataje elektwonikman sou MyChart?

Founisè ou an gen dwa detèmine ki kategori rezilta ki ka pibliye sou MyChart. Genyen nan egzamen yo ki vrèman sansib e ki paka pibliye sou MyChart

Retounen nan tèt la

MyChart pou Fanmi mwen

Kiyès ki gen aksè a enfòmasyon nan MyChart?

• Pasyan ki gen aksè pèsonèl: Pasyan an kapab wè enfòmasyon sou pwòp sante li.

• Aksè ak Pwokirasyon: "Pwokirasyon" an se yon moun yo bay aksè ak enfòmasyon sou sante yon lòt moun.

Èske mwen ka wè dosye sante pitit mwen an nan MyChart?

Wi, ou kapab. Yo rele sa aksè pa pwokirasyon, ki pèmèt yon paran oswa yon responsab legal konekte sou pwòp kont MyChart pèsonèl yo epi gade enfòmasyon konsènan manm fanmi yo.

	Pasyan ki gen ant 0 ak 11 lane	Pasyan ki gen ant 12 ak 17 lane	Pasyan ki gen 18 lane+
Pasyan ki gen aksè pèsonèl	Pa Disponib	Aksè pèsonèl estanda ak pwokirasyon gen ladan rezilta tès COVID 19 la, Tablo Kwasans, Vaksinasyon ak Alèji akòz lwa sou vi prive eta yo.	Disponib
Aksè pa Pwokirasyon	Aksè pa pwokirasyon ki disponib pou paran oswa responsab legal yo		Disponib avèk konsantman pasyan. (Pasyan an ka bay aksè pa pwokirasyon dirèkteman nan MyChart yo oswa lè li siyen yon fòmilè konsantman nan klinik la)

Èske mwen menm ak konjwen mwen an ka pataje yon kont MyChart?

Non, akoz mesaj medikal ki sansib yo, chak granmoun dwe siyen epi fè yon demann piblikasyon enfòmasyon epi kreye pwòp kont MyChart yo.

Retounen nan tèt la

Kesyon teknik yo

Kòman MyChart sekirize?

Nou pran gwo responsabilite pou nou asire nou enfòmasyon sou sante ou yo rete prive epi an sekirite. Aksè ak enfòmasyon yo kontwole pa aktivasyon kòd sekirite yo, non itilizatè pèsonèl, ak modpas yo. Chak moun kontwole pwòp modpas yo epi kont lan pa aksesib san li. Kontrèman ak imèl konvansyonèl la, tout mesaj MyChart yo ale pandan ou konekte an tout sekirite a sit web la.

Ki règleman ou genyen sou konfidansyalite ou?

Se MyChart ki pwopriyetè epi ki jere MyChart epi Li an konfòmite total ak lwa federal ak etatik ki gen rapò ak vi prive ou. Y ap trete non w ak modpas ou menm jan epi ak menm konfidansyalite ak dosye medikal ou a epi MyChart p ap janm ni vann li, ni lwe li.

Mwen te dekonekte nan MyChart, kisa ki te pase?

Nou swete pwoteje vi prive w ak sekirite enfòmasyon w yo. Pandan ou konekte sou MyChart, depi ou pa tape sou klavye w la pandan 15 minit, n ap dekonekte ou imedyatman sou MyChart la. Nou konseye ou dekonekte sou sesyon MyChart ou a si ou ta dwe deplase devan òdinatè w la pandan yon ti moman.

Kisa mwen bezwen pou mwen itilize MyChart?

Ou dwe gen aksè ak yon òdinatè ki branche ak entènèt avèk yon navigatè Web ki ajou tankou Microsoft Edge.

Navigatè ki reponn ak ki kondisyon mwen bezwen?

Nou pran NYC Health + Hospitals MyChart ou a an chaj lè w ap itilize youn nan navigatè ki nan lis anba a:

Microsoft Edge 44 ak vèsyon ki pi wo
Mozilla Firefox 70 ak vèsyon ki pi wo
Safari 13 on Mac/Windows
Google Chrome 78 ak vèsyon ki pi wo

Si ou genyen yon pwoblèm, tanpri, verifye navigatè ou a epi mete l ajou si nesesè.

Retounen nan tèt la